■Chilam直言有興趣返無綫拍劇。香港文匯報訊（記者 梁靜儀）張智霖（Chilam）昨日與林頴彤、梁嘉琪、鄧佩儀及無綫前新聞主播蔡雪瑩到九龍塘出席護膚品牌活動。Chilam7月1日會聯同黎明及陳小春在添馬艦開騷，他透露屆時會有好多互動，及有好多香港情懷，而他最愛的香港情懷是街頭小食，平時喜歡去銅鑼灣「掃街」，最愛食咖喱魷魚。
活動上除首播之前拍攝的宣傳片外，Chilam又跟現場市民玩遊戲。擔任品牌代言人已4年的Chilam，表示早前返了無綫電視城拍品牌宣傳片，他說：「好耐冇返去電視城拍嘢，都係好好嘅體驗，（有冇興趣返無綫拍劇？）有㗎，睇時間同劇本，都好想提供多啲電視服務同娛樂畀巿民。」
Chilam又透露7月1日會聯同黎明及陳小春在添馬艦開騷，而當日剛巧是媽媽生日，他希望媽咪與老婆袁詠儀及兒子都會去捧場。他表示，屆時會有好多互動，及有好多香港情懷。提到香港情懷，他自言最愛香港的街頭小食，平時最愛去銅鑼灣「掃街」，最鍾意食咖喱魷魚。他說： 「啲人見到我都好友善，唔會阻我『掃街』，店主有時都會送多粒魚蛋畀我，又會唔收錢，不過數還數，我盡量都會畀，但有時盛情難卻，（一家人一齊去『掃街』？）一個人掃快啲，老婆鍾意食燒賣，囝囝就食雪糕，有啲雪糕夾餅好好味。」他指今年會做很多演唱會的嘉賓，之前才為周柏豪的演唱會做嘉賓，不過朋友叫到一定會撐場。
林頴彤受母壓力再分手
林頴彤（Bella）早前宣佈與男友容天佑分手，這已是二人第二次分手，問到今次是真的分手嗎？她說：「今次真係分手，其實分開咗成個月，（點解分手？）都講過媽咪有畀壓力，之前都分開過一次，係因為相處上有問題，已經盡咗力，加上有壓力，所以分手，係和平分手，唔會再復合。我諗得好清楚先做呢個決定，媽咪都想我集中事業。」
她坦言媽咪不想她拍拖，並非對男友有不滿，只是緊張她，怕她會分心，想成熟及個人穩重些才拍拖，所以拍拖要先過媽咪一關。問到男友可有嘗試修補關係？她表示與容天佑拍拖只是年多，拍拖前男友見過媽咪一次，但拍拖後就無見過。問到其母喜歡什麼類型的男仔？她說：「要錫我、對我好。（前男友對你唔好？）唔係咁嘅意思。」她強調與前男友分手後仍是普通朋友，大家是有共識才分開，暫時她也未準備好接受新戀情。