第六場、第三班、一二○○米。「理想回報」是四歲英國自購馬，屬前騎師嚴顯強與「幾叻仔」馬主戴偉賢合夥馬，來港前在英國大部分時間隸屬司徒德爵士馬房，三次在膠沙地角逐俱上名，卻顯示出泥地性能可能更強。「理想回報」來港後頭兩次試大閘，草地一課走不利場地其實已有追勢，之後泥閘直路輕騎取勝，顯然成熟已足且適應甚快，有別於其他年輕的歐洲自購馬；上次初出泥地千二米已後上跑近，今次匆匆再來有力爆冷。
第八場、第三班、一六五○米。整體而言，在英國膠沙地取得成績的自購馬，來港轉跑泥地有百分之八十成功，可放心捧場。「皇者勝利」在英國服役時於溫伐咸頓一七二八米膠沙地勝出，場地性能出色外，亦多少憑質素搭夠。這匹「木星月亮」子嗣雖然個子不高，但陣上頗有鬥心；上月中爭田草千六米，羅理雅墮馬受傷而臨場換韋達已幾乎得手；睇番在英國贏膠沙地一役，可以用均速擺前走；上次轉戰泥地排二檔起步，但由於當日是濕慢地，出閘後頭兩段卻越跑越後，最終被前領的「勁精神」走甩，縱使直路衝刺全場最勁，但仍姍姍來遲得第二，但過終點後餘勢最強；今次若跑回正常場地應可補中。