■女Fans收到親筆簽名波鞋後開心到喊，Sammi被嚇到呆一呆。香港文匯報訊（記者 凡文）鄭秀文(Sammi)重組歌迷會「三米飯團」連環聚會由台灣到北京，前晚在香港舉行第三波，包場請Fans到又一城戲院，欣賞亞洲首個用4K技術攝製的大型演唱會，座無虛席，超過300位Fans捧場，非常熱鬧。開「騷」 前，Sammi更大送禮物，包括戒指、頸鏈、耳環、太陽眼鏡、 波鞋和唱片等，有歌迷開心到喊。Sammi還預告今年8月在港舉行盛大生日會，與Fans同樂！
去年9月，Sammi在紅館舉行8場演唱會，雖然開騷時抱恙， 但她仍堅持盡力表演，得到各界支持和鼓勵。而這次演唱會， 更是亞洲第一個用4K技術攝製的大型演唱會，畫面比高清更高清， 逼真懾人，讓觀眾如同置身紅館現場，與Sammi一同經歷高低跌宕的難忘經驗。昨晚大約9時半開場， Sammi大約9時抵達戲院，全場興奮尖叫。 Sammi笑言家裡煲了靚湯，請家傭睇火，自己就來戲院逛逛湊熱鬧。講完笑，她立即除下手上的戒指要送給現場第一位幸運Fans， 之後她再送出手指上的另外2隻戒指，還在禮盒裡拿出頸鏈、耳環、 太陽眼鏡等禮物，她統統要得獎Fans即場戴上合照。 然後她拿出一雙代言的波鞋並即場親筆簽名，為了更多人分享快樂， 她決定左右鞋各送給一位Fans，其中被抽中的女Fans開心到喊，Sammi被她嚇到呆一呆！離場前， Sammi更向Fans許下承諾：「入咗歌迷會， 以後買演唱會飛唔會咁辛苦㗎啦，一定會留返啲靚位畀自己嘅歌迷！ 」全場歡呼。
戲院齊睇演唱會4K版本
其後Sammi接受訪問時表示：「返到來香港站，我想特別點， 所以選擇在戲院同大家一齊睇演唱會4K版本，於大銀幕睇。 呢個演唱會帶畀我同歌迷好多回憶、好多感動， 因為鍾意呢個演唱會、鍾意我，大家重新聚埋一齊回憶，今日呢個活動好有意思。」開騷前大派貼身禮物，她強調：「 全部都係我平時常用的物品，今日送出的都係全新，未用過，歌迷收到好開心，因為又型又靚！」
對於重組歌迷會，Sammi說：「好多年我曾經有過歌迷會， 後來解散了。近年聽到太多歌迷嘅訴求，有好多時候，例如買演唱會飛或者出席一些公開活動，他們撲飛時出現咗好多不公平對待，我覺一定要正視呢個問題。 多謝唱片公司全力支持和配合，幫我成立歌迷會。我好驚喜，無諗過大家反應咁熱烈，好似成班人重新返去少男少女年代，為咗愛一個人，重新去做一件事，去join一個會，好開心！」她透露8月的生日會一切還在籌備中，稍後會有公佈。