■陳凱琳前日預告兩年內嫁嘉穎。香港文匯報訊（記者 梁靜儀）陳凱琳（Grace）、丁子朗、 周志文及周志康昨日出席《第八屆仁濟慈善遙控模型車》活動。日前出席婚紗騷透露兩年內結婚的Grace，坦言男友鄭嘉穎對此未有反應，因他正在內地演出舞台劇，Grace又稱未問過爸爸的感受。
陳凱琳日前出席婚紗騷透露兩年內結婚，問到男友鄭嘉穎有何反應？她說：「 未有反應呀，佢喺內地做緊舞台劇 。」 至於爸爸聽到後又有否被嚇倒？她說：「 我冇問佢呀，（開心？） 要問佢至知道 。」Grace續說跟爸爸關係親密， 即使結了婚依然是爸爸的女兒。
談到搖控車，Grace表示兩年前曾代表TVB遠赴法國為賽車比賽擔任主持，從中學到很多及感受到賽車樂趣。她又爆爸爸有儲模型車的嗜好，家中收藏了不少模型車。
周志文否認戀劉佩玥
周志文近日傳出與劉佩玥（Moon）撻着，二人相約去上海旅行，找來同行的陳瀅做煙幕，問到二人是否拍拖？他照例否認：「同阿Moon一向都係好朋友，現在工作至上，冇諗過其他特別嘢，認真工作先。」說到陳瀅爆他們於端午節又一起去海灘？他指當日是一班人去，陳瀅都有份。說到陳瀅是煙幕？弟弟周志康就力證二人沒拍拖：「佢哋梗係冇事，一班人好即興咁玩，邊個得閒就邊個出嚟，阿Moon都成日約我同老婆去食飯。」
問到可有發展機會？周志文就稱完全沒想過：「太遙遠，冇諗過，（阿Moon呢類型啱唔啱你？）冇特定類型，不過最好做咗好朋友先，（阿Moon係咪啱條件？）佢條件好大家都認同，但現階段冇諗，希望拍多啲劇先。如果拍拖多少都分神，拍拖都想畀多啲時間另一半。」
丁子朗處男獻唱《可惜我是水瓶座》一曲，事後他坦言好緊張。對於自己的唱功，他笑言若100為滿分，只會給自己兩分，覺得仍有進步空間。 他透露為了今次演出，特別跟老師學唱歌，之後都會繼續學。問到可有興趣唱主題曲？他坦白說：「 當然想啦，但我唔敢同星夢啲歌手爭 。」另外港姐快將進行招募，身為宣傳大使的他表示感到有使命感，又會周圍物色女性，看看是否適合參加。他透露想提名一位藝訓班女同學參選。