■張智霖、蔡卓妍和林雪現身上海發佈會。香港文匯報訊 電影《常在你左右》一眾演員包括張智霖、阿Sa(蔡卓妍)、佘詩曼、林雪、雨僑等昨日齊齊在上海出席發佈會鬥講鬼故。發佈會上同時宣佈電影將於萬聖節檔期上映。 會上幾位演員講到拍攝時奇怪經歷，張智霖表示最難忘係要肢解林家棟：「平時殺雞都唔會，今次就要將林家棟條屍體肢解，個感覺好特別。」
阿Sa就表示自己細細個已經睇過《陰陽路》系列，但其實好怕睇恐怖片，即使現在都唔敢睇。林雪講到自己角色同套戲有關的道具係黑膠碟，用普通話講出「稀鳩碟」時好似講粗口，全場大笑。 佘詩曼話片中係同古天樂做一對，兩個好恩愛，夜晚仲特別有情趣，兩個會跳下舞咁。至於雨僑，知道拍呢部片可以同林家棟合作好開心，點知劇情安排呢一對係沒機會做到對手戲，所以好可惜。發佈會最後由各位演員齊齊倒紅酒入冰棺，以血紅色現出「萬聖節見」幾個大字作結。