【穿梭馬場】蔣嘉琦出戰錦標賽

鑒於近年越來越多女騎師於馬壇上取得好成績，瑞典馬會將在今日�鬘狡|園馬場舉行一個別開生面�鴷@界女騎師錦標賽，連香港的蔣嘉琦都在獲邀之列。今次瑞典世界女騎師錦標賽，連埋蔣嘉琦一共有十個女騎師參賽。當中包括岳伯仁千金岳安娜、加拿大靚女騎師蘇倩彤、英國著名女將杜希利及新西蘭前領騎師莊倩等，陣容相當豪華。唯一美中不足係名單上冇日本可愛女騎師藤田菜七子，如果有蔣嘉琦對菜七子，咁就真係宅男福音啦！另一邊廂，曾贏得墨爾本盃冠軍的澳洲傳奇女騎師佩妮，早前飛往英國皇家雅士谷出戰一級賽女皇安妮錦標，結果夥拍大冷門「防衛裝備」跑得第五名，成績尚算不俗。不過，佩妮回到澳洲之後，就迎來壞消息，事緣她在六月中上陣的尿液樣本中被驗出含有違標物質芬特明，之後已即時停賽，芬特明俗稱「大力丸」，與毒品「冰」同屬受嚴格規管危險藥物安非他命類，屬於興奮劑的一種，亦係一種食慾抑制劑，通常用於減肥。不過，佩妮聲稱服用此藥物是經由醫生開出，用於治療腸胃問題，同月前墮馬的舊患有關，佢亦承認自己有疏忽，決定認罪。最終佩妮被罰停賽四星期，直至七月廿一日為止，但可趕及在八月初前往英國代表女子隊出戰識價盃。

讀文匯報PDF版面