（第一場）「印印腳」雖然是初上征途，但賽前準備工夫做到十足十，新近試閘更只是輸俾剛勝出的「旅遊皇者」，相當具指標性，有權一出即勝。
（第二場）「大行情」前仗初次配李寶利在此程跟「勝在煌」鬥至頸位分勝負獲亞，可見人馬甚合拍，舊地重遊有望響勝鼓。
（第三場）「幸運神駒」上仗沿途走四疊，咁蝕法想唔輸都幾難，復課眼見無不妥，神色佳狀態對辦，值得俾多次機會。
（第四場）「特獎」經已直落連贏四場，轉眼間由五班殺到上三班，五歲北半球馬其勢如破竹，看部署似未收夠籌。
（第五場）「南方快車」在港兩戰雖敗，但捧到得兩倍咁熱，空穴來風未必無因，賽前收埋半年秘密練兵，提防來個大變身。
（第六場）「曾幾何時」自移師泥地先亞後冠，剛戰贏馬唔出奇，只係估唔到取勝姿態竟能如斯輕鬆，四歲質新分子進幅顯著，乘勝追擊再斬四両。
（第七場）「活力小駒」（圖4號）近期落腳越來越慢，安排增程角逐實屬合理部署，過往跑千四一戰即勝，賽績有支持，試好大閘而臨，誓要收復失地。
（第八場）「金太陽」剛戰步速大利前置馬，此駒近乎是全場唯一在直路肯追，呢席亞軍表現絕對不失禮，拚後磨利再臨，顯銳意拚個明白。
（第九場）「深愛」插班後連取一冠一亞，表現勝預期，此匹一千磅左右之細粒仔，升班釋重負會更好跑，值得再追。
（第十場）「財高八斗」插班後名次全非冠即亞，剛戰力拚僅以短距離之微飲恨而回，某程度係輸運氣多過實力，再度誓師，坐位望贏續可做到。