香港文匯報訊（記者 植植）組合「少女標本」成員簡淑兒(Jessica)及袁紫僑(Coco)昨日於灣仔出席電腦城揭幕禮，問到兩位女神夏日最愛的消暑活動，想不到二人都一致表示最喜歡宅在家中。Coco指：「以前求學時期放暑假，試過足不出戶匿在屋企打機打足成個月，搞到爸爸媽媽都擔心我變『隱青』。不過最近我買了VR眼鏡返屋企，父母竟然同我爭住玩，見到灣仔電腦城暑假有個VR Game裝置，搞到我心郁郁想玩埋一份。」Jessica就笑指：「我係宅女一名，放假鍾意留在屋企。自從認識Coco之後，都畀佢感染，我都愛上打機，會同佢連線對打。再加上我鍾意煲劇同睇戲，所以屋企的電視同音響設備都好講究。」
久未合體的「少女標本」，雖然今次只是「半合體」，但為答謝fans捧場支持，除了獻唱歌曲外，更大玩遊戲送禮物。過程中Jessica及Coco更為fans裝扮成VR遊戲中的喪屍造型，大擺驚嚇pose。Jessica及Coco都笑指二人均喜歡玩喪屍歷險遊戲，她們說：「好多人都估唔到，我們兩個弱質女流會鍾意玩恐怖Game，其實我們都好驚，但又覺得好刺激，一路玩一路尖叫，玩完第二日喉嚨痛。」