■剛成為人妻的陳美詩宣傳新歌。香港文匯報訊（記者 梁靜儀）剛成為人妻的陳美詩（Macy）昨日以透視露腰裝到電台宣傳新歌《我要照顧你》，她表示之前放慢了腳步，但絕無放棄唱歌，她指很多人覺得結婚後是老公照顧老婆，但其實很多女人婚後都可以照顧個男人，而歌曲正是想表達心聲，女人可以好勁。
她謂老公孫耀威聽過首歌都話幾好，對於老公取笑她幾十歲人做樂壇新人？Macy說：「新人沒年齡界限，時機問題。（有新人獎會唔會攞？）冇諗，都唔知算唔算，睇吓到時點。（孫耀威笑指希望你快些走紅令他可以食拖鞋飯？）睇吓我有冇咁嘅成就、佢乖唔乖先。」 說到造人問題，Macy說：「造人喺某啲時間做，日頭可以出嚟做嘢。」問到婚後老公是否將一半資產分給她？Macy笑說：「我哋冇乜秘密，我知道佢戶口密碼，雖然佢把口講到自己點點點好勁，但其實私下好乖，（怕老婆？）又唔可以話怕老婆，互相尊重。」