■李彩華想再出唱片。香港文匯報訊（記者 梁靜儀）黃翊、李彩華、王梓軒、小肥、呂珊及Zen等，前晚到將軍澳電視城為黎小田、薛家燕及湯寶如（湯記）主持的《流行經典50年》錄影，其中家燕姐與湯記不約而同以低胸上陣，身穿粉藍色低胸晚裝的家燕姐更被指似卡通人物Elsa。
李彩華（Rain）當晚並獻唱其經典歌曲《你唔愛我啦》，她表示雖然有十多年沒有在無綫獻唱，但平日也有操曲及有登台養家。問到可感到緊張？Rain笑謂：「唔緊張，唱得一首歌，平時都有keep住唱K，但唔係唱自己歌，唱人哋嘅歌。（有冇唱畀男友何遠恒聽？）冇，自己就會唱嚟回味吓！」Rain又透露男友陪她往綵排，還讚她唱得好過以前。
Rain表示已有12年沒有出唱片，都想再出唱片，但好歌難求，但會在十月在旺角開一場演唱會。問到屆時會否再以黑絲造型上陣？Rain笑謂：「會，漁網黑絲之類啦，（歌衫會性感？）寫真集程度，除咗件雨褸好似冇着咁，好激烈，（怕唔怕男友唔畀？）唔係咁睇唔開呀？我哋呢啲為藝術犧牲。」
已第三次任該節目嘉賓的黃翊，被問是否因反應好所致？他說：「有少少，因此有人好畀面幫我搞唱片，已經錄咗6隻歌，預計9月推出，如果資源好就出大碟。」 他又開心透露近日重組了歌迷會，並與逾三百位成員聚會。