■龐景峰(右)首度跟爸爸錢小豪合作拍戲。香港文匯報訊（記者 梁靜儀）錢小豪與兒子龐景峰、可嵐及邱美薇等昨日到紅磡出席拳賽記者會，小豪表示有份投資的網絡電影《生化藥屍》，上映數天已有一千萬點擊，今個月亦會在香港上映。
首度跟爸爸合作拍戲，景峰大呻壓力大：「爹哋次次拍戲都會提早兩個鐘準備，呢個好大壓力，試過有朝call time係8點，佢5點已經敲我門，我問佢『知唔知8點call time？』，佢話『差唔多啦』，我話『會唔會早得滯？』，但都係一個好榜樣，同爸爸合作好開心，亦冇責備我。」
小豪解釋這是經驗之談，早起不會遲到被罵，加上在內地拍外景路程遙遠，亦笑言廁所衛生環境比殭屍更恐怖，早兩個小時起身可以食早餐、去洗手間、沖涼、再熟讀當日的劇本，進度就會快，希望兒子可以學到。問到兩父子可會再合作？小豪強調不會用私人關係推薦兒子，要導演首肯才會找他，不會因是兒子而找他。