■苟芸慧與陸漢洋一直都有傾婚事。香港文匯報訊（記者 梁靜儀）苟芸慧（苟姑娘）與男友陸漢洋正熱戀中，前日苟姑娘出席活動被問到婚期時，表示留待男友出席活動時回應，昨日二人一起到金鐘出席《電子方程式錦標賽》記者會，其間又恩愛挽手合照，正當大家以為陸漢洋有喜訊宣佈時，他就笑謂只是大會宣佈苟姑娘擔任大使，他們沒有特別事宣佈，他亦有看報道，可能是說話上字眼有少少誤會。苟姑娘亦解釋是自己完全誤會了記者的問題才會有少少誤會，事後亦有跟男友講返。
陸漢洋就表示一定會與苟姑娘結婚，但就未定好日子。問到求婚沒有？他說：「太私人嘢，唔講你哋知，留返個surprise畀女友。」苟姑娘就表示不心急結婚。陸漢洋續稱與女友一直都有傾，大家亦有共識，他笑說：「人物定咗，腦海準備緊地點，時間冇規限，（香港定海外舉行婚禮？）會尊重返女友，佢家人喺加拿大，一定會去，香港好多朋友走唔甩。」他謂其他細節還未想到，想給女友最甜蜜最浪漫的婚禮。苟姑娘大讚男友平時已經好浪漫，陸漢洋聞言大表驚喜說：「今日讚我喎，多謝有你哋（指記者）喺度妢|對我好啲。」
男友教擺嘟嘴甫士
苟姑娘自爆早前拍攝唇膏廣告，男友教她做出很多嘟嘴甫士，他作為一個賽車手那麼有型的形象，肯為她犧牲做這些事，不是個個男仔肯做，是很浪漫的一件事，雖然相片最後都沒用到，但覺得好sweet。她又笑說：「覺得個造型唔係好似我，有人話啲相唔似我，似苑瓊丹。」笑問到二人是否不停錫住來練習？陸漢洋說： 「其實都唔出奇，一對情侶kiss好正常，佢一向都好靚，所以表情少啲都好靚，我就將平時上賽車頒獎台個表情教佢，希望大家工作上有一齊的機會，佢需要信任的人喺身邊。」
苟姑娘大讚男友不單在賽車技術上教到她，就連影硬照都能給她意見。陸漢洋就指對女友現時駕車的車速開始有點驚，因圈速越來越快，離專業車手不遠。最後他又表示希望可獲Formula E贊助花車，結合賽車、結婚及香港的元素。