翻查剛季騎師大熱門坐騎的統計數字，令人意外的是表現飄忽的潘頓，不論勝出率及上名率均高於形象正氣的宿敵冠軍騎師莫雷拉，後者季中打後階段在篤定獲得冠軍騎師之後，於季尾最後兩個多月的表現明顯回落，如以五月份起開始計，除五月二十八日中三元，與及六月二十五日贏四場頭馬外，其餘賽日最多只能起孖而回，以雷神每個賽日手執多匹質態俱備大熱門作為指標，成績明顯是不及格的，未知是否經已篤定贏取冠軍而放軟手腳，頻頻令到馬迷及捧場客大跌眼鏡。另一個令人感到意外的大發現，就係一向形象錫身的韋達，呢位前十三屆冠軍騎師剛季大熱勝出率竟然有三十七個巴仙，上名率接近六成，雖然上名率並不突出，但勝出率卻係前列騎師之中最高一位，其中大熱坐騎獲十冠三亞三季，搏殺失手的比率偏低，新季如韋達的坐騎臨場被捧成大熱門的話，千祈咪睇小機會。
至於本地小將方面，值得一提巫顯東（圖右），此位沈集成愛徒剛季曾有七匹坐騎被捧成大熱門，結果取得兩冠兩亞三季，勝出率接近三成，上名率更係高達百分百，新季他的大熱坐騎值得作為馬膽看待，此外，吳嘉晉坐騎只得一次被捧成大熱，這駒便是東廄的「馬克羅斯」，結果順利勝出，可見華將坐騎有重飛支持多數已係幕後人士信心的反映。