【穿梭馬場】蔡廄馬加罩要留神

長捧大熱門肯定不會有錢贏，有時有部份馬匹被熱捧之下倒灶而回，捧場客更加得不償失。剛季最熱二十匹頭馬，獨贏賠率由1.0至1.6倍，其中十一匹由莫雷拉建功，餘下潘頓七匹，史卓豐及李寶利各佔其一。雷神贏大熱係多但輸的亦不少，值得留意剛季最熱二十匹頭馬中，部份馬匹不止出現一次，如「旺蝦王」1.4倍贏完後，再以1.0倍取勝；「翩翩」及「京京千里」均曾以1.5及1.6倍掄元；「當家精選」曾以1.2及1.3倍取勝。順帶一提，剛季最熱二十匹頭馬中，蔡廄馬剛好佔一半，可見此廄馬被捧至熱透時，可信程度略為提高。另外，唔少馬匹在配備變動之後，陣上表現都會有所改變，當中最常用的配備非眼罩莫屬，剛季初戴眼罩即勝之馬，以蔡廄成績最好，取得四冠三亞，反映一旦動食指的話最少入Q，新季如見蔡廄馬初戴眼罩不妨作Q膽看待。其次要數到大摩，剛季其初戴眼罩馬匹取得三勝四位，上名率三分一表現及格。至於方廄的初戴眼罩馬，剛季表現尚算不俗，取得兩冠兩亞一季，雖然勝出率僅六分一，但上名率逾四成，整體成績並不差，新季如見此類馬匹不妨贏位兼投。最後一提告達理馬房，剛季六匹初戴眼罩馬全部三甲不入，有決心求變都冇成績交出，新季對告廄此類分子，捧場之前真係要三思。

讀文匯報PDF版面