■Chilam學碧咸chok住擺甫士。香港文匯報訊（記者 梁靜儀）張智霖（Chilam）昨日到金鐘出席Kent & Curwen全新概念店開幕禮。穿上大褸、留了鬍鬚的他，被問到會否與兒子魔童穿父子裝？他笑說：「踢波時都會一齊着球衣，新年會着唐裝，但家庭裝比較尷尬，應該唔會。」
日前是袁詠儀（靚靚）46歲生日，Chilam表示幾個月前已經同劇組請假，一家人去食飯慶祝。問到送了什麼禮物？他說「年中送咗對耳環，就當係生日禮物，不過佢都冇要求要咩，真係長大咗。」
提到有傳日前其好友郭富城已榮升父親，太太方媛於9月1日誕下一名B女，問到城城回港未？他裝傻說： 「唔知道呀，我各有各忙，（買了BB女衫未？）我唔知你哋講咩，問返小美好啲，（有冇去醫院探BB？）呢件衫好熱呀，近排每日都忙拍戲，你哋有咩疑問，問返當事人會好啲。」問到如果好友榮升父親，可會替對方高興？Chilam才說：「當然啦，我身邊好多朋友近日都做咗爸爸，（近日？9月1日？）有好多朋友，多咗好多朋友啦，搞到我好亂呀﹗」