香港文匯報訊 李克勤紅館騷第6場吸引眾多圈中人捧場，計有汪明荃（阿姐）、李嘉欣和家姐及老公、甄子丹夫婦與兒子、蔡一智、梁漢文、再來捧場的徐濠縈等、而克勤的太太盧淑儀更帶同兩個囝囝在台前打氣。而表演嘉賓則得到葉蒨文（Sally）性感亮相！
克勤在介紹Sally出場前，他謂：「這位嘉賓是咁多晚的表演嘉賓中最認真的人，前兩日已來綵排，好明顯是我的前輩，事關現在的後生仔女係唔會咁做，而去年在《我是歌手》的節目中、這位世外高人已經幫過我，佢亦攞過好多次『最受歡迎女歌手獎』，係香港No.1的女歌手。」
葉蒨文跳到要抽裙
隨即以透視上身透現黑bra示人的Sally登場，與克勤合唱了《信自己》。搞笑的是二人一輪勁舞配合歌曲下，Sally跳到要抽一抽半截裙的裙頭，克勤即說Sally瘦了，Sally也回敬指克勤也瘦了。
克勤又問Sally的鬍鬚佬（老公林子祥）在哪？Sally說：「我今朝有打個電話畀佢，當時佢喺美國洗緊衫，佢好鍾意做家務，到你60周年演唱會，佢就會回來，其實佢唔來都唔緊要，我哋都可以唱佢嘅歌。」繼而二人合唱了林子祥的《數字人生》，還唱到喘晒氣！Sally笑說：「唔怪得之老公唔來」；克勤也笑問：「有冇氧氣筒？」Sally打趣道：「你無事嗎？30周年啫，你仲可以繼續唱。」克勤認同說：「係喇，阿姐50周年都冇事，我點會有！」原本Sally提議請埋阿姐上台，不過最後由她和克勤清唱了幾句阿姐的《萬水千山總是情》以多謝阿姐捧場，其後Sally再送多首獨唱《祝福》給觀眾。