■李亞男香港文匯報訊 李亞男前晚以超性感晚裝打扮亮相上海，為活動擔任主持。問她穿得如此性感，有否事先問過老公王祖藍時，李亞男笑謂：「我老公睇咗啲相之後，講笑話會休咗我，因為我背住佢着得咁性感，不過係講笑嘅啫，佢覺得係幾靚嘅。 （着成咁，行嗰陣有冇步步驚心嘅感覺呀？）有呀，因為有啲位如果唔挺胸嘅話會走光，我喺現場都有好多工作人員幫我睇實，佢哋真係好好，好幫到我，令到成件事睇出嚟更grand。」李亞男又表示，整晚最難忘的地方，是可以近距離一睹美國歌手Alicia Keys的風采：「我一直都好鍾意佢嘅歌，第一次現場聽佢唱歌真係好興奮，我自己喺台下面stand by準備出場嗰陣，都有忍唔住不斷口郁郁咁跟住佢唱。」