■江美儀獲大會送上蛋糕預祝生日。香港文匯報訊（記者 梁靜儀）江美儀昨晚穿上運動bra top，以代言人身份拍攝豐胸廣告，頻頻俯身大騷3吋「事業線」，她透露現時上圍大概32、33B。將於本月20號便46歲生日的美儀，獲老闆娘送上蛋糕和鮮花。美儀稱酬勞非常好，有近7位數。
問美儀生日如何慶祝？她表示今年農曆、新曆生日都在馬來西亞過，而男友吳君祥則身在北京。問男友有何表示？美儀說：「未收到，可能等正日啩！其實送乜都無所謂，你知佢成日都扮睇唔到，試過有年情人節我送朱古力畀佢，佢都可以無任何表示，於是我就喺facebook寫『究竟你覺得係有神蹟，定係傭人暗戀你呢？』但佢最叻就係一笑置之，扮軟皮蛇。」