■蘇麗珊指當日見到劉嘉玲好緊張。香港文匯報訊（記者 梁靜儀）蘇麗珊、顏子菲、袁嘉敏、陳婉衡及簡淑兒等前晚出席電影《皇家特工：金圈子》首映禮。蘇麗珊表示首次做女主角的新片《愛情奴隸獸》將於下月中上映，心情很緊張，加上接拍後不停被人拿她與鄧麗欣（Stephy）扮演的「阿寶」做比較，開始有點壓力，其實她演的版本比較男仔頭又好粗魯，與方力申還有很多吵鬧場面，跟Stephy的版本不同。
提到劉嘉玲在電影《我的情敵女婿》中飾演「終極阿寶」，蘇麗珊稱有份演出該片，戲中她演劉嘉玲角色的後生版，她笑說：「當日見到嘉玲姐都好緊張，華哥（任達華）話我同嘉玲姐都係眼大大有啲似，我好似小粉絲咁同嘉玲姐合照好開心，（向嘉玲姐請教？）嘉玲姐好忙，冇機會傾偈，（揣摩她的演出？）高攀唔到佢，嘉玲姐係神級，點揣摩都唔會似。」
顏子菲拒再隆胸
前亞姐顏子菲當晚穿上低胸衫露出3吋「事業線」性感現身，她表示只是尊重場合，又自爆之前因為跟健身教練做運動，上圍都瘦了2至3厘米，有些不開心。問到可會考慮再隆胸？她即說：「放過我啦！我唔會畀佢再細，最多淨係做下半身運動，我唔會再隆胸，做運動會太大負擔，我鍾意的跑步同彈跳運動都唔適宜做，（後悔？）唔係，現在上圍34C，買運動bra或內衣好多都係阿婆款，要揀外國牌子。」她又稱不介意行內衣騷。