■王寶葆香港文匯報訊（記者 植植）藝人王寶葆（春卷）和鄺芷凡(Omi)昨日為節目《中伏》拍攝，春卷更以三點式泳衣示人，相當吸睛。問到春卷現實生活有冇試過中伏？春卷表示：「做藝人少不免會成日被人影，試過出席活動有好多龍友圍住影相，後來先知原來佢哋只集中影我的胸部同臀部。不過我無咩所謂，只要影得靚我唔會太介意。」會否怕相片被移花接木？「唔怕，如果放落去個身材豐滿的女仔仲好，就算裸體都無所謂！」
春卷雖然對偷拍看得開，對愛情卻非常執着。提起她情路上的中伏經歷，她大呻曾遇愛情騙子。「我要求好高，曾經遇過個男人，佢追你時對你好好，咩都應承，但一得到手，就貨不對辦。我唔想嘈交，只嘗試同佢討論，結果最後都唔適合就分手，唔想拖拖拉拉。」春卷坦言今次回港希望有個新開始，剛簽了王晶旗下的經理人公司，未來會多去內地拍劇和電影。