■該名「獨派」「漫畫家」在fb上載一張所謂南非與香港的對比，聲稱曼德拉都係「靠暴力」上位。 「一個人」fb圖片「獨派」最叻係咩？叫人衝，自己鬆囉！隨着互聯網發達，「獨派」不斷通過斷章取義、歪曲歷史以至捏造事實來「獨」害入世未深的年輕人。有「獨派」「漫畫家」近日在其fb聲稱，已故南非總統曼德拉係「靠暴力」令種族隔離政策取消，更「因此」而攞埋諾貝爾和平獎，所以香港的「和理非」係「港豬」咁話。唔少網民留言鬧爆佢歪曲歷史，連話搞咩「革命」嘅「本土民主前線」發言人梁天琦都縮埋一邊，佢就亂用曼德拉「光環」煽人用暴力，想害人坐監，非常陰騭。
該名筆名「一個人」的「獨派」「漫畫家」，經常在其fb發帖，歪曲事實來鼓吹暴力。近日佢就畫咗一張南非與香港的對比，話「和理非」經常用來往自己臉上貼金嘅曼德拉都係「靠暴力」上位，仲攞埋諾貝爾和平獎，但香港「獨派」用暴力就被「和理非」篤灰，「說要效法曼德拉精神，卻又攻擊採取激進行為嘅抗爭者，到底是什麼心態？」
網民通識師批斷章取義
喂，阿哥，曼德拉明明係放棄暴力攞獎過喎，唔通真係有曼德拉效應，搞到惟眾人皆醉「一個人」獨醒？網民「Lam Hong」就留言批評道：「又歪曲歷史，曼特拉好早已經放棄咗破壞公共設施的『暴力』路線，最後先得和平獎，不如讀多啲書先畫！」
筆名「庫斯克」的中學通識科老師邱兆麟也稱：「跳晒step。曼德拉後來點樣同主張暴力嘅人劃清界線佢就跳咗。」
「Kwun Man Kong」更狠批「獨派」又想出「叫人衝，自己鬆」呢一招：「曼德拉坐監唔講，又想呃×d（啲）人害人坐監呀？曼德拉出獄後執政前都係用和平手法，否則都唔會有和平獎啦！×！咪再害人啦！×街！......已經有人因為類似錯誤言論坐緊監，另外又有人等坐監，呃like啫，唔使咁陰質（騭）吧！......只係叫人去死，自己就呃like，正×街。賣人血饅頭者小心收尾兩年。」
「和理非」譏要衝自己衝
不少「和理非」中人也群起反擊，恥笑梁天琦同「青症雙邪」中的梁頌恆「坐的士走」都係得把口。「Peter Chan」說：「人鏈己（已）經全部入獄，『勇武人士』隨時可以衝擊政總，唔會有人阻你。」「Wyman Lee」也說：「點解人地（哋）唔做你就唔做？唔好得個畫字，『泛民』唔做唔代表你自己唔可以去做！」
「Ashworth Nina」就突破盲腸：「因為別人的兒子死不完，佢身驕（嬌）肉貴。......日日叫人衝，到真係出黎（嚟）啦，自己永遠企大後方，叫人衝自己唔衝，第一日（個）搭的士逃走。」
「Yeung Lai Kei」則曲線揶揄道：「唉，『勇武人仕（士）』其實好慘，佢地（哋）比（俾）班手無寸鐵得把口嘅人阻住佢地（哋）『武力革命』，已經好慘好委屈架（㗎）啦，......係我地（哋）唔好，唔肯出嚟做呇a（哋）人盾，等佢地（哋）做完野（嘢）安全脫身，攪（搞）到佢地（哋）只可以畫圖like圖！」
「Denny C. H. To」說：「現實係，梁天琦放棄暴力抗爭，唔係因為被邊個鬧，而係因為成本太高。咁鍾意FF（幻想），望下（吓）你哋曾經的『領袖』而（??）家主張緊咩先啦。」「Ashworth Nina」更恥笑道：「係囉，曼德拉正傻仔，居然留喺南非坐監。學梁天琦梁頌恆咁懦弱速逃呀嘛。」
「獨派」支持者「Bryan Ha」似乎唔順氣，稱：「坐監都起碼要坐得有價值。曼德拉雖然被判過監，但佢（最）起碼佢最後同人民都堅持抗爭。」「Ashworth Nina」即揶揄道：「係囉，另一邊廂梁天琦一俾人告即刻龜縮，堅持到底？咩黎（嚟）架（㗎）。」 ■香港文匯報記者 羅旦