（第一場）「雄獅動力」季內越跑越進步，上賽獲第三名更是取得來港至今最佳名次，確認質新分子經已站在勝利邊沿，磨利再臨，出頭已在望。
（第二場）「機緣再現」去季雖未勝，但曾試過四度在三班賽跑入前列，以此賽績套落今組計如虎入羊群，加上夥拍梁家俊駕輕就熟，跑出水準可東山再起。
（第三場）「鑽之友」剛仗易廄初出即建功，更係跑贏今場主要對手「大道至公」和「漸信名駒」，賽績冇花冇假，勝後只加五分濕濕碎，原庄配搭再來可爭連捷。
（第四場）「貝奇利」剛仗放至終點前一步影相飲恨，某程度是輸在運氣與實力無關，確認此匹質新分子正處於起跑線上，不縮槓，穩位望贏。
（第五場）「靚加加」剛戰再下一城，更係跑贏今場主要對手「威勢之寶」和「大步走」，賽績具指標性，勝後只加五分沿留原班優勢未失，乘勇可爭連捷。
（第六場）「鐵膽王」剛仗贏馬唔奇，但估唔到取勝姿態竟能如斯輕鬆，六歲馬戰鬥力進一步昇華，加八分沿留原班相信未構成阻力，唔用潘明輝兼初跑泥地賽，擺明想博你唔信，有分頭咪中計。
（第七場）「威利熱流」剛戰屬首度在泥地落敗，可歸咎於休出狀態起而未足，落敗與實力無關，省完一場洩了虛火，舊地重遊，可施回馬槍。
（第八場）「神舟小子」上仗雖是贏三班賽，不過論到取勝姿態及完成時間俱佳，伸算水準差極有個譜，今次升班釋重負計落唔蝕底，連捷機高。