第六場､第三班､一二○○米。「開心神駒」至今已累積兩冠一亞兩季軍，看季內經已先後兩戰，初出列陣田草千二米，七十倍大冷全程殿後，最終只跑尾三而回；上回轉戰谷草一千，走勢亦乏善足陳；今次由二降三班角逐，練者揀泥地千二入紙，更用埋王牌，又搵重臨嘅巴度上陣，當有出冷之力。
第七場､第三班､一六五○米。「小島怡情」前仗由皓楠仔策騎，在三班谷草一哩後上得第五名，表現可圈可點；上次降入四班再戰，文家良特意強配潘頓盡露殺意，結果後上獲勝；今次升三班揀泥地一哩出師，找回皓楠仔只負一一三磅，值得追寶尾。
第八場､第二班､一六五○米。「神舟小子」歷來六次配雷神出賽，合共得四冠一亞軍，只有一次落第，而且亦是此駒目前四捷唯一的經手人；再看上次人馬故劍重逢再次一起合作，結果擦出火花勝出三班泥地一哩；現時加至八十六分仍有上升水位，今賽雷神唔放手，機會值得睇好。