第六場､第三班､一六五○米。「心好事成」迄今錄得兩冠兩亞三季，腳患馬自上季轉投鄭廄後已可勤跑乃佳兆，再看季初評八十一分已先後三戰無功，不過上賽谷草一哩排劣位之下，七十三倍大冷拉士爆一段只負頭馬兩身位，足證其健康情況已復元八九；今次練者再攻此程改配郭能上陣，當有出冷之力。
第七場､第三班､一二○○米。「綠茵風采」上季四戰取得兩冠一亞一殿未失前四，而今季跑過三場，以上仗配火車潘大熱門搏殺走得最近；復課後狀態仍保持勇銳，今次馬房上下對匹馬嘅爭勝機會有極大信心，認為牠實力未見盡，加上同場對手實力不見得太強，有極大勝望。
第八場､第二班､一二○○米。「軍歌」乃韋達嫡系坐騎，歷來七次上名皆由佢所得足可反映，再看上次是人馬闊別一年後再度合作，結果人馬擦出火花，喺谷草一千跑入配腳；現時加至九十七分仍有水位，今次操好再揀千二強項搏殺，機會秤高一線。