■黃良昇（右）任王瑋（左）見證音樂會嘉賓。香港文匯報訊（記者 植植） 前亞姐王瑋前晚在麥花臣場館舉行音樂會，獲不少好友到場支持，當中麥德羅、寶珮如、王維德、黃良昇任嘉賓獻唱，而王瑋更穿上黑色透視裝大騷Fit爆身材，更勁歌熱舞晒才華。周啟生特別為她打造了歌曲《等愛的女人》，讓王瑋能擁有一首屬於自己的歌曲。王瑋接受訪問時，對於台上表現，她坦言：「演出好緊張，好興奮，其實我都頭腦一片空白，講緊乜唱緊乜都係跟住咁走咋，效果點我自己唔知。（見你唱到好感動？）係呀，真係好感恩，我呢個年紀。（你咩年紀？）就快五字頭，所以呢個時候仲可以做歌手、開音樂會，真係想都唔敢想像的事。」
現場有播出王瑋兒子的生活片段，問到為何未見兒子到場？王瑋表示因為兒子在河南少林寺度讀緊書，如果接佢回來，一來一回都辛苦，同埋自己為呢個演唱會都好多嘢要籌備，舊年開始籌備一點一滴做出嚟，花好多心機。點樣答謝嚟捧場的嘉賓？王瑋說：「封一封利是仔啦，同埋畀我最大的愛他們，全場都係講心冇計較。(演出時可有甩轆嘢？)有呀，有好多，但唔講出嚟啦。(性感透視裝身材Fit爆？）其實想瘦多五、六磅，但再瘦就冇力唱歌。（三圍縮水？）係有細到，但唔知幾多，細啲（上圍）仲好，等啲人注意我唱歌，唔注意我身材。（當年出道畀人話性感？）今次啲衫都係服裝師去搞，佢話我有長腿、有好身材，上天畀你嘛，咁我都感恩。」