（第一場）「四小福」剛戰雖只跑第四，但論到直路走勢卻相當悅目，證明七歲老馬爛船仲有三斤釘，移師谷草對手冇咁強，有機會贏馬省靚招牌。
（第二場）「旅英公爵」近期取得連捷，剛戰贏馬唔出奇，只係估唔到取勝姿態竟能如斯輕鬆，六歲馬進幅之大令人咋舌，一股作氣有權爭取三連冠。
（第三場）「快樂神駒」季內先亞後冠，剛仗以一放到底姿態輕取對手而回，贏來甚具說服力，賽後只加六分沿留原班優勢未失，若不三心兩意可梅開二度。
（第四場）「勝利公爵」剛戰易廄一出即贏，且更是壓倒五班實力指標「敬無極」，此席頭馬水準差極有個譜，初跑窄場經已咁犀利，有權再向上突破。
（第五場）「金飯碗」剛戰存心搏殺，可惜終點前影相飲恨而屈居次席，某程度上係輸運氣多過實力，七日後匆匆再跑，爭勝決心無疑，值得追贏。
（第六場）「馬功臣」雖然暫未建功，但見本身接二連三被捧成頂頭大熱，空穴來風未必無因，埋門試閘對辦勇況冒升，續具憧憬價值。
（第七場）「公証福將」初出跑第九，經熱身後上回即大幅提升名次贏馬而回，以個幾身位秒殺實力指標「電子群英」，質新馬進度三級跳，贏完只加七分唔算多，要爭取連捷相信冇難度。
（第八場）「海利多」季內取一冠一殿，尤其前次能力壓今場主要對手「精壯神駿」，賽績具指標性，五歲馬大熟大勇，打硬仗，屬爭勝之材。