第二場、第四班、一二○○米。「皇家魅力」屬蘇偉賢旗下自購新馬，四歲馬首戰採用後上跑法追得好，上仗改用放頭跑法更只負半馬位入Q，進步幅度頗大，拚後相隔一個月再戰，有足夠時間回氣之餘，埋門亦安排試多課大閘作打磨，準備工夫做得相當積極，此駒早前已經取得優先出賽權，而今次吼同日有兩組千二米報名，實力馬被分散之下，賽事水準毫無疑問會被拉低，今次同場對手之中，部份質新未成熟，舊馬方面大部份剛戰演出令人失望，唯一新勝馬只係一匹「旅英公爵」，「皇家魅力」在對手不強之下，隨時可以快放偷雞。
第八場、第三班、一八○○米。「王者再現」上季首戰即贏馬，今季轉五歲仍然保留狀態容易操起的特性，初出一役在谷草一哩落飛搏殺，縱使因應排大外檔而沿途走三疊蝕位，直路上仍然收復大量失地，最終僅負一馬位，計末段時間屬全場第二快，已經克服了高難度；此駒今仗增程跑千八米，其實上季尾已經試過出戰谷草及田草同程，幕後在戰駒當弗時安排增程，對其氣量必定充滿信心，而且以上仗的表現所見，已經證明在三班是有爭勝的本錢，今仗捲土重來戰意鮮明，有力收復前失。