■陳敏之香港文匯報訊（記者 植植）陳敏之到新城電台宣傳劇集《溏心風暴3》，她表示與唐文龍的感情戲十多集先開始：「劇中佢係有家室，我們最火辣、最激烈的戲會十幾集先帶出，而我們感情線係第一件事掀起成個家庭的最大風波，講我們由相愛、矛盾、不能自拔到畀人揭發，令家庭有好大巨變。」
講到劇中兩人的不倫戀，問到可擔心出街其角色會畀人鬧？敏之表示現在的觀眾好聰明，接受尺度好闊，之前的劇有些比較破格的角色大家都好接受，同埋其實現在社會都係有這種事，唔好講到好封閉，呢個都係感情一種，冇人想咁唔健康，自己個角色唔理家族變化，就算死都冇所謂，好轟烈。敏之補充說：「套劇最終想講的都係家人，以愛圍家，屋企人用愛保護返呢件事，所以我唔擔心，甚至可能畀人鬧就係成功。」