民主黨議員黃碧雲（一嚿雲）屈九龍東議員謝偉俊「性騷擾」佢，有片有真相，村民點諗？不少人都鬧爆黃碧雲只因政見不同就屈人性騷擾，行為無賴。有人揶揄黃碧雲「成功爭取#MeToo」，有人則批評黃碧雲借故抽水，只會影響#MeToo運動的公信力。
事後冇提「性騷擾」
一嚿雲在事發後在fb發帖鬧謝偉俊，「正一敗類！唔單止碰我啲牌，竟然用身體碰撞我！仲在議會爆粗！」雖然冇提「性騷擾」，但就標註話「反對議會性暴力」喎！
唔少網民睇完都譁然：「咁都得？」佢哋批評一嚿雲咁樣做，對真係被性騷擾嘅女士係一種侮辱，更會令佢哋講嘢冇人信。「熱狗」前「首領」黃洋達就加一腳，發文道：「鼓勵黃碧雲你都去＃metoo 啦！」其妻陳秀慧就話：「睇完葛珮帆條片，再睇黃碧雲呢個status，真係覺得黃碧雲真係極品。anyway，香港人選的。」■香港文匯報記者 鄭治祖
湯正波：因為政見不一樣而老屈人地性騷擾，這就是今天的香港。
Chan Wing Hang︰無聊無禮無賴，話人性騷擾更加係無恥！
John Kai Kun Li：咁係對被真正性騷擾的女士一個莫大的侮辱！
Siulok Chan：你睇下啲×女人，幾咁識利用性騷擾，......攪（搞）×到鬧劇咁×樣，真係恭×喜你地（哋）囉！
Herbert Law：一粒老鼠屎搞壞一鍋粥！女仕（士）們真係唔好亂叫性騷擾，不然亂叫咁就冇人同情！（狼）來了！冇人可憐同情。
Luk Wai：之前先話過metoo會俾人濫用，咁快就應驗。
資料來源：fb留言 整理：香港文匯報記者 羅旦