第四場、第四班、一○○○米。「霽月高風」上季尾勝出田草直路賽，今季轉四歲理應再進一步，但幕後主要安排牠在谷草一千米上陣之餘，亦一再抽到外檔起步，跑最短途排外檔相當蝕底，所以無表現也可以理解，但上仗谷草一千米抽到十一檔起步，全程走三疊望空，直路上仍然可以加速上前追獲殿軍，表現相當討好，反映馬兒已經跑起狀態，甚至用不同跑法亦可以跑得接近；今仗練者將王牌用在「霽月高風」身上，已顯出擊信心，相信早段跟好位跑，或者留後鬥爆一段，均有本事闖入前列。
第七場、第三班、一六五○米。「勇冠王」雖然係後上馬，跑法較為被動，但除了在沙田長直路跑得好之外，在谷草多彎窄場一樣有好表現，好似上季最後一戰，就在快活谷一哩後上掄元，輕取對手兩個半馬位，而今季此駒雖然曾經一再於田草追得好，但上仗馬房仍然安排轉爭谷草一哩勝途，雖然未能重開勝門，但亦以勁勢追獲亞軍，末段造廿二秒八二全場最快，走勢令人眼前一亮，亦證明牠要征服三班只係遲早問題；今次同場中有不少前置馬在陣，扯快步速對此駒後上跑法更為有利，力足贏馬交代。