■右起：黃翠如、陳敏之和莊思敏劇中角色均令人留下深刻印象。香港文匯報訊（記者 梁靜儀）無綫台慶劇《溏心風暴3》一眾演員，夏雨、李司棋、米雪、關菊英、苗可秀、阮兆祥、黃翠如、陳敏之、鄭希怡及莊思敏等，前晚到將軍澳出席《溏心×風暴 祝捷慰勞宴》，當晚筵開12席，慶祝劇集在內地騰訊視頻普通話粵語雙語播放量突破十億，電視廣播有限公司副總經理（節目及製作）杜之克，聯同總監製劉家豪，製作部（戲劇合作)總監梅小青與出席嘉賓台上進行祝酒儀式，場面熱鬧。
黃翠如在劇中要向黃宗澤（Bosco）示愛，並主動咀對方，不過被Bosco一手推落梳化。她自爆中學時期試過主動追男仔：「我寫過好多封信畀一個男仔，追咗成年都追唔到，最後對方回信拒絕我，話已經同第二個女仔一齊，所以我自覺失戀咗成年幾，（有冇檢討過？）可能自己唔夠吸引，同埋可能寫得太多無聊情信畀佢，自從嗰次之後，發覺追求男仔唔容易，從此再冇追男仔。」問到翠如可會寫情信給男友蕭正楠？她笑說：「大家都有寫，寫得好低能，唔肉麻亦無愛意，廢話一堆。」
陳敏之在劇中飾演的第三者角色，獲提名台慶頒獎禮「最佳女配角」，前晚敏之在台上亦坦言好想再得女配角獎，她說：「當時真係出盡力去拍，又要照顧BB、又要拍好多場落水戲、又要被掌摑，好多傷感戲，角色情緒起伏好大，好多年前憑《怒火街頭》攞過，好希望再攞到。」對於演出獲不少網民支持，敏之表示連教她做戲的老師都讚，她謂想過攜同兒子出席頒獎禮，有獎就一齊上台，但又想到若然無獎，兒子坐成晚會好陰功，所以還未決定。
莊思敏模仿人反白眼
莊思敏在劇中反白眼鬧人成功出位， 現成了「反白眼女神」，在台上她又與李成昌扮咀，引來一陣起哄。她強調本身沒有反白眼習慣，問到她是模仿誰？她說：「曾經見過啲人好鍾意做呢個動作，佢對所有嘢都唔順眼，收到劇本知道角色咁上下於是就用咗。」對於角色受歡迎但在台慶頒獎禮卻沒有份提名，莊思敏表示沒想太多，每個遊戲都有自己規則，最重要是觀眾喜歡。