蔡約翰嘅馬如果夾澳洲騎師出擊，成績最好係羅理雅，今季合作四次，三次贏得頭，第二個夾係潘頓，合作過八次，有三冠兩亞，柏寶雖然成績唔標青，合作過廿一次，都有一冠兩亞兩季，貝湯美就未合作過，講到合作得最差嘅澳洲騎師，一定係祈普敦，總共有過三十三次合作，得過五次亞軍從未贏馬。大家可以話，祈普敦個八字與蔡神仙唔多夾，合作咁多次竟未贏過一場，講獲得蔡神仙實力馬支持，祈普敦一定多過柏寶，好似2.6倍「旋風腿」及2.2倍「勇闖者」，都用祈普敦搏殺，但全部大熱無影，不過，大家睇吓呢位仁兄，依然獲蔡神仙關照，咁即係講蔡神仙對佢所騎嘅馬，都接受落敗嘅戰果，又或者呢類馬，正是由祈普敦當幕後英雄，贏嗰陣時才去到其他一線騎師手上。所以呢類幕後英雄，相信蔡神仙到時到候必有好嘢回敬，例如呢次夜賽，馬房隻「哈蝦巴爸」出戰第三班千八米，呢隻馬上次跑泥地一哩，已由祈普敦披甲，結果姍姍來遲後上取得一席第四名。
呢隻「哈蝦巴爸」上場屬首次跑泥地，起步鞍上人積極咁大力騎佢，希望佢唔好喺頭段失地咁多，但呢隻馬似乎唔多適應，頭段點都騎唔起，入到直路再由「人民武士」內側拉出中檔望空，呢個時候才開始發力追番唔少失地。由於呢場祈普敦發揮獲得蔡神仙認同，所以馬房決定將賽程增加到千八米，鞍上人一樣用番祈普敦，而贏過呢隻馬嘅它痦鶾p拉，雖然有意思攞番嚟騎，但蔡約翰一早定咗人選，最後莫雷拉只有向大摩隻「共創更好」送秋波，所以最終莫雷拉騎咗隻「共創更好」上陣。至於「哈蝦巴爸」，馬主父親即「旺蝦王」，季內經已拉過三頭馬，但公子隻「哈蝦巴爸」仲未入過凱旋門，蔡神仙有心做就祈普敦贏番場，所以呢隻實力馬大家可以再追多鋪。