■右起：吳浩康、雨僑、陳嘉莉及張建聲任剪綵嘉賓。香港文匯報訊（記者 梁靜儀）吳浩康（Deep）、雨僑、張建聲及陳嘉莉等，昨日到旺角出席健身中心開幕活動剪綵儀式，大會在剪綵儀式前安排了韓國健美先生及其教練團隊即場脫去上衣大騷肌肉，吸引不少途人圍觀。
吳浩康對於現場的健美先生大騷肌肉，他笑說：「每邊冇三幾斤肉都冇資格，我得返兩両肉。」一向愛打泰拳的他，透露有意在四十歲前能代表中國香港參加泰拳比賽，現時每星期會操練三、四次，又會每日跑步。問到參加拳賽，女友可會擔心？他笑說：「身體髮膚受諸父母，做咗老婆先同佢交代。」
張建聲入行以來經常因為拍戲而要增肥減肥，而他也沒有偷懶，因新年後就會拍攝《反黑2》，說到他之前拍戲拍到心理出現問題？他笑說：「我心理一向都唔得，多啲同朋友吹吓水就得，我做嘢時癡癡哋，但handle到，呢啲係演員必經階段。（可怕女友擔心？）好少同佢講公事，免得佢擔心太多。」
雨僑笑男友肌肉連成一嚿
穿上運動服現身的雨僑，被問到為何不脫去外套騷身材？她表示因在街上很凍，所以不用了。對於現場有健美先生騷肌，她表示知道有很多男士都鍾意操到很大隻要有六嚿腹肌，但她指男友太大隻反而會好驚：「驚好似會吞噬咗我，好大力咁，但一般作觀賞用途嘅男友有啲肌肉係好啲。」問到其男友羅力威有幾多嚿腹肌？她大爆男友有一嚿腹肌：「男友啲肌肉連成一嚿，比較瘦，佢都會跑步，反而操肌就冇，我唔會要求伴侶好多肌肉，反而自己真係要操，因為男友鍾意我肥肥哋，試過早幾年好肥，自此覺得唔可以，因潛意識會越嚟愈肥，所以要操少少。」