■溫碧霞忍不住出去玩雪賞雪景。香港文匯報訊（記者 凡文）溫碧霞(Irene)正身在新疆烏魯木齊拍攝新片《嫌疑者說》，在平均每日攝氏零下二十度的氣溫下，終於支持不住凍病、嚴重咳嗽。日前她向劇組請假，帶病接連飛去兩個地方番禺長隆及天津商演賺外快，雖然病到滿臉蒼白又不停咳嗽，但她沒有影響演出水準，熱爆全場。
Irene十分感謝化妝師專程由香港帶了一批藥北上給她服用，逐漸康復，她說：「最慘係拍外景，喺氣溫零下二十度街道，凍到全身、手、腳、背貼滿暖包，少少暖的感覺都冇，全靠劇組好好，煮好多薑茶畀我們暖身，唔知係咪落雪前特別冷，在烏魯木齊臨起程到番禺前一日終於落雪，哈，落雪反而冇咁冷。個天仲好靚，藍天白雪好靚，好浪漫，幾唔捨得要離開飛去商演。」
當她完成兩個商演再折返烏魯木齊繼續拍攝工作，又繼續落雪，仍然抱恙的她也忍不住出去玩雪賞雪景，她開心說：「劇組幫我改咗花名，叫『帶雪』，哈哈，他們話前幾日我走咗之後即刻停雪，但我返嚟之後，又即刻繼續落雪，仲落足幾日，呢度愈來愈冷，昨晚只得零下二十七度，導演驚我再凍病，將我昨晚外景改為拍日景，非常多謝咁多人照顧我。」