■姜皓文演喜劇一樣掂。憑《拆彈專家》及《大樂師．為愛配樂》入圍男配角的姜皓文回應：「知道有兩套戲入圍，覺得好意外又好開心，因去年已入圍男配角，不知今年會否再有機會。昨晚都是平常心去面對，但當經理人send訊息恭喜我時，我望住太太不停流淚。多謝《拆彈專家》的導演邱禮濤及劉德華讓我一次又一次發揮；多謝《大樂師》導演馮志強，田啟文有機會讓我演出這套喜劇。有時我仍會懷疑自己的實力，但我一定會享受整個過程，多謝家人、經理人公司、支持我的朋友。」
獲提名最佳男配角的秦沛說：「好開心！今年亦都係我從影七十年！再一次在金像獎獲得提名好感恩！」同樣獲提名最佳男配角的日本男星倉田保昭，稱能夠獲得提名感到血脈沸騰、非常興奮。
獲得提名最佳女配角的鄭欣宜坦言出乎意料，說：「因為我完全冇諗到我會得到提名，因為我根本唔熟悉電影呢個世界，呢個世界唔係屬於我㗎，我搞音樂嘛，所以呢件事好癲、好癲呀！」邵音音聽到入圍最佳女配角的消息興奮說：「嘩，真係咁多好演技、大片包圍之下，心諗冇喇冇喇，後尾報我個名，真係好開心。」
在《殺破狼．貪狼》中飾演古天樂女兒的陳漢娜，首次拍戲就獲提名最佳新演員覺得好驚喜，她說：「因為對於我來說，我有份去拍《殺破狼．貪狼》、有份去做李穎芝這個角色已經好幸運。最想多謝葉偉信導演，沒有他選我做這個角色，我根本沒有機會入圍。今次我已盡了力演出，覺得提名已經很足夠，心滿意足，而我這個角色發揮空間始終有限，所以沒有信心攞獎。一起入圍的演員都是好演員，我不會視他們為競爭對象，因為我覺得能夠幫到香港電影界出一分力已好開心，我好想之後一世都做電影！其實邊個拎新演員都無所謂，反而我好想戲入面的父親古天樂可以拎到影帝，在片場係完全感受到佢的震懾力。」