第六場､第四班､一六五○米。「獻惑」來港至今十九戰取得兩冠兩亞一季，頭馬俱在谷草一哩取得，再看上賽告仔找回雷神替這駒主轡，臨場打到廿九蚊開跑，沿途守在馬群中疊，入彎抄出外疊打衝鋒，最後力拒「精選直前」替馬主勝出第一百W。而今次加五分再戰此程，配巫顯東減磅擺前走，當有力增添進帳。
第七場､第三班､一二○○米。「佳知武仕」乃麥廄早熟快馬，來港後試兩課谷閘，走勢不斷進步，再看近日單試力度十足，步勁火旺，狀態已準備就緒，是賽初出配潘頓排在四檔好位，翻看季初此子曾替麥廄馬建功，有條件一出即食。
第八場､第三班､一六五○米。「大運起」今季出賽七次獲一W，頭馬於谷草一哩取得；上賽配布達德後追窒步下，結果只負「靚紫荊」個半身位；今晚回配開齋功臣祈普敦再攻勝途，環看對手實力並非太強，抽外檔起步一定火燒唔熱，只要遇到有利後追形勢，可再締佳績。