剛過去的一月份，以蔡約翰馬房最厲害，該月的頭馬數字就是制度上要「達標」的數目，單一個月內就勝出十七場頭馬遠遠拋離對手。蔡神仙贏得多，其他主要大馬房卻較為失色，如方嘉柏在踏入新一年後，整整一月份食白果未贏過，未能取勝實在意外，今次谷中場地乃方廄搵食福地，當中列陣第四場四班千二米的「全勝姿態」，今季已跑過七場，一直未及水準，其實總場次175谷草千二米，如果羅理雅肯騎多兩步，佢係有機會偷雞的，但最終跑第三都唔算差；之後再輸一場谷草千二就無乜特別，直到上場田草千四米，賽前又快跳又試千七米谷閘磨刀霍霍，臨場閘前亦由五十倍落到廿七倍開跑，正所謂春江水暖鴨先知，果然陣上放到拉士百五米才力弱，其實此場可理解為試閘之用。今次「全勝姿態」重返谷草千二米肯定比沙田有把握得多，目前評四十四分比上次贏馬時經已低了三分，反彈可期。