■李克勤收觀眾利是都收到手軟。香港文匯報訊 李克勤今個農曆年於拉斯維加斯舉行演唱會，並且帶同老婆及一對囝囝於美國一起過年，十分開心。克勤謂人生第一次得到兩個大年初一，先是香港年初一與家人拜過年，再上機飛拉斯維加斯，因為時差關係，到埗又過多一個美國的年初一，克勤說：「初二，初三做兩場騷，冇諗過觀眾咁熱情同咁厚愛，兩晚淨係收觀眾利是都收到手軟，真係多謝大家派利是畀我，滿滿祝福，仲有歌迷送美金銀紙花畀我，真係保家宅保平安，收收埋埋都夠我仔一兩個月學費，非常感謝！」
做完兩場騷之後，克勤就由歌手變回廿四孝老竇，為仔撲飛去看Bruno Mars的演出，「因為兩個仔都係佢fans ， 好鐘意他的歌，我自己都鍾意佢，好彩有貴人幫手，都撲到靚位的飛，我兩個仔睇得好開心，我就覺得有少少失望，佢冇唱 《Versace on the floor》，我好鍾意呢首歌。但係佢跳同唱都係無得頂，講嘢非常幽默，可以喺囧茩輕銊腔怳妨e，先睹為快都係開心。」完了拉斯維加斯工作，克勤繼續同家人去玩 : 「兩個仔未開學，所以都計劃咗再帶佢哋去多個旅行，玩多幾日先返香港。」