■唐詩詠、鄭嘉穎、馬國明、黃嘉樂及林子善日前趁住新年出動Gathering，而鄭嘉穎及黃嘉樂更帶同另一半出席。香港文匯報訊 藝人唐詩詠、鄭嘉穎、馬國明、黃嘉樂及林子善，早年拍攝無綫劇集《鐵馬尋橋》而結緣，佢哋五個夾到爆仲感情勁深厚，不時相約聚會，日前趁住新年又出動Gathering，而鄭嘉穎及黃嘉樂更帶同另一半出席。
而前晚賴慰玲同老公梁子峰就帶埋兩個月大囝囝Marat去咗嘉穎屋企拜年，同場仲有陳嘉寶(Anjay)同老公黃頌祈，當然唔少得陳凱琳(Grace)以半個女主人身份招呼好友啦，一雙一對真係好熱鬧。
賴慰玲同陳嘉寶都係去年結婚，今年第一次派利是，心情特別興奮。嘉穎雖然係前輩，但佢同陳凱琳仲未結婚，所以有得收利是，賴慰玲喺ig留言﹕「帶Marat去逗利是，要派利是俾鄭生、陳小姐，Wakakaka。」
而陳凱琳就話契仔Marat融化咗坉茪腄A可以日日夜夜對住佢，仲笑言﹕「多謝兩位甜美人妻的利是，Lucky me！」陳嘉寶就大讚契仔好得意，收利是的人開心，自己亦派得好開心。