人人都話公義，唔通真係個個都真係公義咩！與「香港眾志」關係密切的美國國會及行政當局中國委員會（CECC）主席、共和黨參議員魯比奧經常借「人權」、「公義」之名干預香港事務，但在其所屬州份佛羅里達州發生17死的校園槍擊案後，竟拒絕死者家屬要求規管攻擊型武器的訴求。連香港民主黨深水埗區議員袁海文都睇唔過眼，發帖揶揄魯比奧「拯救自己國家年輕人的選擇不去做，但卻高調去運用可以提名諾貝爾和平獎的得主的資格。他會是真心為和平嗎？」
正所謂「冇成本可以玩嘢，點解唔做？」，最多出事時自己拍拍屁股走囉，而身為美國人嘅魯比奧，即使對香港指手劃腳完，就算香港俾反對派搞亂咗、出咗咩事，佢都完全唔使負責，仲可以攞光環，就自然更樂此不疲啦！因此，佢不但附和「香港眾志」，聯同同黨在美國國會提出的所謂「香港人權與民主」法案，更提名策動違法「佔中」的黄之鋒、羅冠聰和周永康做今年諾貝爾和平獎候選人。
不過，不要低頭，光環會掉下來。係人都知美國共和黨的幕後金主係美國全國步槍協會（NRA），身為佛羅里達州參議員嘅吽A 喺州內發生咗導致17人死的校園槍擊案後出席由美國有線新聞網絡（CNN）舉行的市政廳會議（town hall meeting）時，竟在槍擊案死者父母、生還者的質問下拒絕他們規管攻擊型武器的訴求，只重申要提升購買槍械的年齡限制、限制彈匣大小等。
在槍擊案中失去兒子的古滕貝格（Fred Guttenberg）狠批魯比奧的說話和美國總統特朗普一樣「軟弱無力」，全場內的民眾即時起立鼓掌。當他再質問魯比奧會否採取實際行動管制槍械，魯比奧聲言即使有法律管制，也不代表可以徹底解決問題云云。
袁海文fb寸「非真心為和平」
一名佛州槍擊案生還的學生也質問魯比奧未來會否拒收NRA的政治獻金時，與會者紛紛起立鼓掌，但魯比奧拒絕回應，自稱自己是第二修正案（Second Amendment）的擁護者。
口講「和平」、「公義」，實質講一套做一套，同香港唔少反對派中人簡直一模一樣，唔怪得佢同「眾志」咁friend啦！袁海文喺fb轉發咗CNN嘅視頻，正正係古滕貝格狠批魯比奧嘅片段。佢仲發文話：「美國校園槍擊案不時發生，有很多無辜生命白白犧牲。Marco Rubio 仍然不支持槍管，迴避槍管。有能力避免更多悲劇、拯救自己國家年輕人的選擇不去做，但卻高調去運用可以提名諾貝爾和平獎的得主的資格。他會是真心為和平嗎？我覺得非常諷刺！」
■香港文匯報記者 羅旦