■區諾軒的政綱被揶揄似中學生選學生會。麥錦鈿fb截圖反對派點解咁鍾意抹黑，咪因為自己政綱冇咩好講囉！有網民昨日上載了代表反對派參加立法會港島區補選嘅區諾軒嘅宣傳單張，裡面嘅8點政綱，俾人揶揄成個所謂「政綱」好似中學生選學生會咁。
區諾軒在「香港眾志」常委周庭被DQ後成為「Plan B」，而佢喺街站講來講去就剩係識得宣傳「DQ」做賣點，咁民生議題呢，咩係「民主萬能囉」，有民生自然冇窮人、冇社會分配不均，仲可以個個即刻上車之類啦！網民「麥錦鈿」昨日在fb上載了自己喺幫區諾軒助選嘅「眾志」秘書長黃之鋒手中攞到嘅「區諾軒8點政綱」單張，然後就咁樣去形容：「除咗第四點後半句之外，其餘嘅真係無乜用。」
咁「區八點」包括咗咩？第一點係「廢除8．31」喎。「麥錦鈿」就話呢樣嘢「大家都知無可能，打出嚟都係口號式宣傳」，第二點「捍衛法治、保障港人『自治』」，佢就話：「基本上所有參選嘅都係捍衛法治，建制派都係㗎。而『一國兩制』制度下理論上係『港人治港』。」
「中學作文砌夠600字」
講到第三「增加醫療撥款，解決前線人手不足問題」，「麥錦鈿」話：「建制、『泛民』、『本土』都識講。同第一點一樣，大家都知道啲錢係×起其他嘢都會喺醫療上。」講到區諾軒話要「『停建大白象』，資源應調撥配至教育、醫療及創科開支」，佢就揶揄道：「咪同第三點一樣。中學作文砌夠600字嗎？」
區諾軒又話要推動剩食回收，推動發展環保業，又話要「保衛西環碼頭」、發展沿海單車徑，「麥錦鈿」對前者就一句「鬼理你咩」頂埋去，又話「文化保育係好，不過建制派都識講識做，有時候甚至做得比你好」，「善用賣地收入」呢句，就一樣俾人寸：「善用？又係人人識講。」
港島區候選人還包括陳家珮、伍廸希、任亮憲。 ■香港文匯報記者 羅旦