第六場､第三班､一六五○米。「靚紫荊」經常被人忽視之馬，譬如上賽隔晚賠率超過十倍，惟馬兒表現卻貨真價實，排六檔起步慢閘，跟在尾疊跑，轉入直路兜出外疊蝕追跑入一席第二；拚後復課一直操而不戰，今次田泰安放手「放眼量」而揀騎「靚紫荊」爭盃，戰意一層毋庸置疑。
第七場､第二班､一六五○米。「比卡超」S布馬來港征戰數載，迄今已累積五冠五亞五季，翻看打仔馬近況查實不差，看前仗出爭谷草同程跑入第三，千一磅打仔馬近課慢跳火氣仍旺，今晚易配沈拿操刀排六檔起步，屆時如能快閘並跟守前列好位，入彎打衝鋒有力冷門起錨。
第八場､第三班､一二○○米。「光芒再現」今季出賽八次只跑獲一亞一季，入Q一役正係出戰谷草千二，目下評六十七分在此群作賽必有討價還價之力；今晚繼續對準此程開火，交予貝湯美執韁兼夾重戴眼罩及抽到四檔起步，而湯美仔今季策蘇廄馬偶有佳作，半冷門值得一敲。