■陳奐仁(右)目前已減去廿幾磅。香港文匯報訊 陳奐仁（Hanjin）日前作客TVB娛樂新聞台節目《StarTalk》，接受主播許文軒專訪，大談為健康減肥及推出新專輯《壞人的價值》感受。Hanjin說：「我係為健康而減，到目前為止減咗廿幾磅，我身體向來都有警號響起，但以前我冇理到，好似拍戲有少少動作場面，我第二日就痛，因為人太重，肌肉唔夠力，關節唔夠力。」他又笑說：「現在減咗肥，除咗體能好咗之外，仲多咗人睇我IG（社交平台），但係睇我身形，如果可以鼓勵大家選擇健康啲，我覺得係一件有價值嘅事，（有冇人搵你拍寫真？）梗係有，拍戲都有，不過要我除衫，但我身形都唔標準，大把人好過我，所以我冇諗，如果有關於減內臟脂肪嘅廣告我就有興趣！」
曾遭欺凌患抑鬱
專訪中，Hanjin直言遇過不少壞人，他說：「本身佢哋都唔係想對我壞，但就話我個樣唔賣得，話我啲歌唔夠商業，其實每個人都有自己嘅處境，有自私嘅諗法就會變壞人。我有時都會自私，都會變咗壞人，我開騷好想由500人嘅場地，升去3萬人嘅場，其實唔應該追呢啲，做人唔可以忘記初心。」
Hanjin又分享於新加坡讀書時曾患有抑鬱症，他說：「我好鍾意日文，17歲嘅時候，由於自己間學校冇呢科，所以去咗另一間名校讀，但讀咗之後發現唔係自己心目中嗰樣嘢，最後返去自己母校，不過一返去就唔同晒，我變咗反骨仔，變成『叛徒』，唔只同學，就連老師都欺凌我，由最初個個鍾意我變成唔鍾意我，我接受唔到，成個人崩潰，要靠食藥同慢慢調節心境。」