香港文匯報訊 蘇志威（蘇老闆）日前擔任董事的舞蹈學校， 在灣仔會展舉行周年匯演，蘇老闆風騷滿場飛， 匯演尾聲他更與另一學校董事韓馬利（Mary姐） 以及全校老師上台壓軸表演，為晚會劃上完美句號。
匯演結束後，蘇老闆接受訪問，他說：「今年學校10周年特別搞呢個咁大型嘅Show Case，見啲學生咁努力，特別畀個平台佢哋表演，佢哋練咗幾個月。今晚佢哋係主角，我只係配角，不過我呢個配角都有份上台跳返一小段！」 他坦言見師生都玩得好開心，計劃每年都舉辦大型匯演。
當晚匯演超過250名師生分13組舞蹈表演，除了拉丁舞、Hip Hop、現代舞、Jazz Funk之外，還有中國舞表演。蘇老闆說：「 雖然佢哋唔係專業舞蹈員，但好畀心機，不斷進步。尤其是中國舞表演最驚喜，好靚。拉丁和HipHop係學校嘅皇牌，估唔到中國舞都咁好，編排和技巧都好好，搞到我都想向深厚嘅中國舞底子嘅Mary姐請教。」