■黎燕珊爆許秋怡(左)出名是「魚腩」。香港文匯報訊 黎燕珊與許秋怡兩位「靚媽」日前為活動擔任表演嘉賓，更和現場約2千名觀眾提早慶祝母親節。珊姐出場唱出《漫步人生路》，即掀起現場2千觀眾齊齊拍掌合唱。珊姐應觀眾要求，落台和她們近距離接觸，並向觀眾大派康乃馨，預祝「母親節」快樂。珊姐和觀眾近距離合照與握手，但意想不到被女粉絲們熱情攬到實唔放，粉絲們更大叫：「珊姐，我愛妳！」要勞動保安及工作人員「營救」才可以甩身，她笑言：「好耐未試過被攬到咁實，大家真係畀到好多愛我呀！」在觀眾熱情安哥下，珊姐再唱出《瀟灑走一回》。
與許秋怡是「雀友」
至於唱家班許秋怡出場唱出《千個太陽》，她亦為觀眾帶來預祝「母親節」禮物，粉絲們湧到台前拿禮物，跑慣江湖的秋怡氣定神閒，邊唱邊派簽名海報與簽名相。接着，秋怡更即席邀請有否「猛男」自告奮勇和她合唱《片片楓葉情》，雖然不少「猛男」舉手，但不敢上台合唱，只想和她合照，所以秋怡就「點兵」邀請大會司儀合唱，還預備貓字歌詞給對方，誰知對方唱得投入不用睇貓紙，秋怡笑指自己唱了26年該首歌，每次邀請男士合唱都充滿挑戰，尤其要忍笑或幫手唱埋，不過今次遇到「高手」。
珊姐與秋怡原來當年曾是「麻雀腳」，有段時間常一起打台灣牌，不過做了媽咪就各有各忙，珊姐爆秋怡出名是「魚腩」，秋怡指自己因為好喜歡和這班閨蜜聚會，所以明知多數輸錢都要赴會。問到會否再約一次牌局聚舊？珊姐稱兩人都已多年冇打牌，大家都牌章生疏，所以飯局更實際。秋怡更大讚珊姐依然咁靚，祝福她快點找個錫她的人拍拖，珊姐指自己依然要專心搵錢供兒子讀大學，所以起碼再多兩年再考慮。問及秋怡「母親節」會否與老公王書麒及14歲兒子安排慶祝？她稱每年都不會特別慶祝，因為兒子6月考試，假日都只會陪兒子溫書，不會出街食飯，她慶幸兒子乖仔未有過反叛期，自己已好安慰日日都感恩是「母親節」，不會介意形式上慶祝。