■南區班主陳文俊對區隊遭遇感無奈。 資料圖片近年，地區球隊在本地足運勢力崛起，今季的三支地區球隊和富大埔、冠忠南區以至陽光元朗都在聯賽以至盃賽取得成績，甚至有能力爭奪亞洲賽的席位。然而地區球隊面對的困境，卻沒有從成績中見到曙光，銀牌冠軍的元朗更陷入缺贊助困境。
冠忠南區的班主陳文俊就坦言，若然冠忠巴士退出，南區就不會參戰超聯。曾經因為贊助問題，南區退出首屆的港超聯，轉戰甲組，及後覓得冠忠支持而重返頂級聯賽。陳文俊指出，現時的經營環境可說比之前更差。
申請增加資助遭拒
他指現時政府對區隊的資助，是每季150萬元，他們曾向政府提出增加資助，但政府回應指遭到傳統球會「呷醋」，故不願增加投資。他說：「政府話其他球會呷醋，認為唔可以偏幫區隊，要一視同仁喎。我認為反而更加要『偏幫』。區隊呢樣嘢唔係我哋搞，係政府搞出嚟，點可以混為一談呢。當年民政處同足總傾好，18區派球隊參戰，擴闊個群眾基礎。然後有啲成�嘅就打上超聯，唔通你叫佢哋唔好搞喇喎，你要我哋hea搞可以㗎。你可以睇下，如果呢幾年冇我哋區隊，個球圈會變成點。」他指業餘跟職業是有很大的差異：「業餘同職業係有好大嘅鴻溝，我哋五年前搞甲組，埋單都係550萬，到今年，已經超過1,000萬。」
他認為地區球隊才是足球的「王道」：「我覺得地區足球先係王道。我哋都係由區議會嘅地區體育會搞出嚟，而且我哋區隊有區議會支持，所以唔會做啲令區議會冇面嘅事㗎嘛。我哋本身都係NGO，所以我哋就算賺到錢，都係用在社區入面，咁對於社區體育發展先有好處。」
港超難吸引投資者
與大埔及元朗差不多，南區近年聯賽的成績其實並不差，前季取得聯賽第4及銀牌亞軍，去季更成為聯賽季軍，而且球隊甚至踩入電競領域。然而這些對於球隊爭取贊助商以至資源，其實都沒太多的幫助，到頭來還不過是靠身邊朋友或是地區人士的支援：「有人問我，我贊助球隊可以得到啲乜嘢，我話，冇㗎，當係支援社區囉。」
然而另一個問題，是超聯成立之後，球市卻一直沒得到太大的好轉，甚至去季像是倒退。曾與羅傑承、伍健等倡議成立港職聯的陳文俊指，現時足總沒辦法建構好一個聯賽平台去吸引投資者。他說：「𠵱家係冇人珍惜你呢個平台，因為你搵唔到錢丫嘛。足總𠵱家除咗變得架構臃腫之外，就冇喇。」當年倡議新職業聯賽要獨立於足總運作，然而超聯的第四年，聯賽仍由足總營運。他認為目前的狀況，足總責無旁貸：「我問人點睇香港波，佢哋話，香港波唔好睇。我再問，你睇過咩？大多數人都係話冇睇過。個問題就係，你個形象唔好囉。」
提議取消評降制度
他指足總目前給人印象不夠專業，就像去季，允許港會以及擁有特權的R&F富力參賽，這些決定都使人失望。他解釋謂富力如果沒有特權，也受本地的章則制約，其實並不反對。此外像是接納凱景來季升港超，以及繼續讓富力參賽，其實不如把聯賽升降制取消，並提高參賽的門檻，只讓有質素球隊參賽，花三至五年去搞好聯賽的名聲來得更實際。他指：「其實聯賽有4至5支區隊，再加3、4隊有質素嘅其他球隊，咁已經足夠。」 ■香港文匯報記者 陳文俊