■應采兒昨到澳門出席活動。香港文匯報訊（記者 植毅儀 澳門報道）應采兒（丁丁）昨日現身新濠影滙，出席舉辦「外星爭霸」派對。丁丁表示嚟緊連同老公陳小春將出席囝囝Jasper的畢業典禮，自己都很期待，因為知道學校為小朋友安排了不少驚喜演出。丁丁說：「每次學校都會畀我哋一啲神秘驚喜表演，呢排Jasper忙綵排，爸爸媽媽唔知佢表演咩㗎。但我打探到，Jasper應該係拉小提琴，佢平時冇學，所以都好期待。記得有一年，佢唱廣東話聖詩畀我聽，我聽到感動到喊。畢業典禮我哋成家人去，其實好多時學校活動，如家長會，小春都會抽時間去。老師話Jasper生活經驗好豐富，為人好體貼。平時游水、踏單車最叻，反而音樂一般，說話都好叻，天生的，同阿媽一樣講不停。小春好注重廣東話，現在有幫佢補習一下，不過有時佢問我一些廣東話點解，我都唔識。」
暑假將至，問到丁丁會做什麼？她表示一家人會去旅行，以及為Jasper報一些興趣班，始終男孩子需要「放電」。記者笑言倒不如生多個陪Jasper玩，丁丁坦言相隔5年再追多個有點太遲，又要再經歷頭幾年經常去打針、病的日子，想起都辛苦。