■在霆鋒(左)下廚期間，火火突然Say Sorry。香港文匯報訊 在節目《鋒味前奏》中，早前曾提及謝霆鋒出道時，被人掟水樽掟熒光棒，每次上台都被人噓，更被噓足四年，導演火火之後竟然向霆鋒Say Sorry！
錄影當日，霆鋒一邊炒飯，火火就一邊問他到現時為止，生命入面有沒有敵人？霆鋒答道最大的敵人一定是自己，「做咗咁多年啦，我入行都有廿年啦！」火火即說：「入行廿年仲咁後生？」霆鋒笑道：「係啦！我好細個入行吖嘛。」火火繼續問霆鋒對自己有什麼不滿？霆鋒表示：「所有嘢都可以好啲嘅，我仍然係處女座，仍然係覺得所有嘢都『未夠好、再嚟過』，所以點解我每樣嘢可以『玩』咁耐就係咁解。」此時，火火突然向霆鋒道歉，「對唔住呀師傅，我以前少不更事，曾經聽住你首《壞習慣》，然後覺得壞乜鬼嘢習慣啫你！但之後《潛龍勿用》、《活着VIVA》嗰啲，我係成日煲㗎！」霆鋒笑笑口說：「明嘅，多謝你，我好多謝你咁誠懇。但係你之後一跳就跳咗去聽《潛龍勿用》嗰啲嗱？」火火就好尷尬咁話：「中間都要消化㗎嘛，哈哈哈。」然後霆鋒繼續講：「所以你話我中間啃咗幾多年吖嗱。時下嘅年輕人追求自己夢想，唔係一朝一夕，你唔知道三年、四年、十年後會變成點，然後今日，原來有一個人同你講『我之前鬧過你？！不過𠵱家OK』。」
之後火火就分享自己中學時一次不快嘅經歷，「其實我覺得你好勁㗎，以前讀中學參加歌唱比賽，畀人噓兩聲，我驚到兩個禮拜唔敢返學！跟住我就唔敢唱歌，但係你堅持到今日，我真係好欣賞謝霆鋒。」