香港文匯報訊（記者 梁靜儀）陳百祥（叻哥）、何家勁、林穎彤（Bella）、陳庭欣、雷莊??等，昨日到將軍澳電視城為慈善籌款節目《萬眾同心公益金》進行拜神儀式。
叻哥笑言自己每年都會撈三個大騷，包括港姐、台慶及公益金，他笑說：「你知啦Patrick Sir又上緊（位），有時做呢啲騷都要捐錢，前晚公益金個晚宴有慈善拍賣，籌到千三萬，今次仲破紀錄，因為未試過籌到過千萬。」他又笑謂自己都沒有什麼騷做，就快要輪候公屋。此時身後的秀姑（黃杏秀）就笑說：「佢食軟飯嘛。」叻哥也不否認，更稱這是很多人都知道。記者笑指他不是小鮮肉也可吃軟飯，他說：「自己同八両金、大王（安德尊）差唔多，我個人真正一面好謙虛低調，係黃杏秀一個先睇到。」
何家勁主力搞生意
久未在港露面的何家勁表示會唱《新鴛鴦蝴蝶夢》，唱完即晚便返內地，他表示近年在惠州做健康食品生意， 每日都有近千人去廠房參觀，自己就成為了佈景板 ，為此他特別在裡面放了一個當年拍《包青天》飾演展昭一角蠟像，供遊客影相，笑言已成了景點。 問到可有戲癮？他說：「冇，但有好嘅劇本同角色都會考慮，（如果有人再搵你演展昭？） 等睇新嗰套。」他又表示在內地遇見到很多老朋友，問到可有撞見舊情人？他笑說：「冇，（現在有冇老婆？） 撞到有就有，撞唔到就冇。」早前Bella上《 流行經典50年》獻唱，因每次唱高音時都坐低身，因而被網民取笑，Bella強調已戒掉這個動作：「我唔會再坐低飈高音，當日因為着高踭鞋，所以有少少用力，係唱歌老師教，係自己做得唔自然，被人笑到有恐懼，有幕後人員整咗條片放上網，對方唔知我喺個群組裡面，我留咗個喊嘅表情符號，對方即時delete咗條片。」她又稱稍後會灌錄慢歌，現時多了經驗，誓要一雪前恥。