■蔡思貝指自己都有留意王浩信傳婚變的新聞。香港文匯報訊 （記者 梁靜儀）蔡思貝、陳奐仁（Hanjin）昨日到尖沙咀出席護膚品牌活動，台上二人示範護膚運動，思貝見到身形甚弗的Hanjin就笑言好想揭開件衫睇(肌肉)，但被Hanjin拒絕：「淨係你想睇咋，鹹濕妹。」談到近日王浩信與太太陳自瑤的離婚傳聞，曾與王浩信傳出緋聞的思貝被問到可有慰問對方？她埋言有睇到新聞，但就沒有去關心此事。
談到近日王浩信與陳自瑤的離婚傳聞，曾與王浩信傳出緋聞的蔡思貝被問到可有慰問對方？她坦言有睇到新聞：「報道得咁行，別人的家事唔了解同唔方便評論，都冇見（王浩信）同工作上冇碰頭。（避嫌？）冇得關心，反而自己屋企嘢可以分享。」
蔡思貝愛吃不會慳
蔡思貝謂近日受電影和書本影響，令她有所領悟，學會去愛護身邊人和父母：「父母和仔女一定會有拗撬，𠵱家會喺想爆前，從對方角度去諗，會多體諒和理解。」問到她是否向完美女友進發？她笑着否認，目標只是想做一個更好的人，事業和人生上每日都有進步。
思貝被問到平時花多少金錢在護膚上？她表示沒特別去計，因自己對數字不敏感，應使得使，適合就買，最多試過花幾萬美容療程。思貝自言絕對是慳家藝人，平時在物質方面花很少，但吃方面就不會慳。
同場的陳奐仁早前因膝蓋痛及三高問題而積極操弗，花了十個月減了十四公斤，由八十二公斤減至六十八公斤，希望可減到十六歲時六十六公斤最健康的狀態。
陳奐仁歡迎大家取經講減肥
Hanjin又透露越接近目標就越難，他又自嘲說：「以前新陳代謝快，就快變Uncle要付出多啲，希望戰勝埋少少脂肪肝。（加操？)之前操到有少少over，有時肌肉痛到瞓唔到，Uncle都要識錫身，唔想到時斷手斷腳彈唔到結他上唔到台。」問到他若達到目標會否穿泳褲影寫真？他笑說：「 白色泳褲咪即係透明？你哋好鹹呀！我會真心參考，因為好多人身材同顏值都好過我，會慎重考慮，自己冇先天元素，要靠我六嚿腹肌，（今次又唔騷肌？）我未係大家睇慣嗰隻，仲差1％至達標，都想自己嘅健康鼓勵到大家。」他笑言有女途人稱見到他也有信心鼓勵男友健身。說到他成了男士的敵人？Hanjin就希望大家當他是朋友，因自己都是「肥底」，歡迎大家向他取經，他又搞gag說：「世上無難事，只怕陳奐仁。」